Wednesday, April 29, 2015

හයයි විස්සේ බස් එක




හෙණකඳයා වගේ උන්
අපේ අප්පොච්චා
හෙණ ගැහුවා වාගෙ
ඇදන් වැටුනා
සෙනසුරාදා හයයි විස්සේ
බස් එකේ දොර කොඩෙන්
ගල්පිලිම වාගේ දෙවියනුත්
අහක බැලුවා…

හෙන හුරා ඇවිදින් චක්කරේ කිව්වා
වැවේ කුඹුර අපි සින්නෙටම වික්කා
බත් මුලේ හැමදාම කඳුළු කැට තිබ්බා
මක් කරන්නද අපි කියා දෙවියනුත් ඇහුවා

හයයි විස්සේ බස් එක
අපේ ජීවිත යට කර
"මහත්තයෝ මැදපොල්ල අල්ලං
ඉස්සරහටම යං"
මමයි දැන් කොන්දොස්තර
පවුලයම උර තියන
උගුර ලේ රහ වෙනකම් කෑ ගසා
සෙනඟ වෙනුවට කඳුළු ලෝඩ් කරන
හයයි විස්සේ බස් එක.…

R é D R ü M

M ü R D è R